Noorweë se koning Harald sal nog 'n paar dae in 'n hospitaal op die Maleisiese eiland Langkawi bly vir behandeling en rus voordat hy na Noorweë terugkeer, het die koninklike familie gesê, soos aangehaal deur Reuters.
Die 87-jarige monarg was met vakansie in die Suidoos-Asiatiese land, maar dit is vroeër die week aan die lig gebring dat hy 'n infeksie gehad het.
"Sy koninklike hoogheid herstel steeds," het die paleis gesê.
Die land se regering het gister die weermag gevra om die koning se reis terug na Noorweë te behartig. ’n Mediese ontruimingsvliegtuig het in Langkawi aangekom nadat dit Oslo verlaat het.
Kroonprins Haakon neem pligte in sy pa se afwesigheid oor, insluitend die weeklikse vergadering met die premier en die regering, wat later vandag moet plaasvind.
Koning Harald beklee die seremoniële pos in Noorweë sedert 1991 en is die oudste monarg in Europa. In onlangse jare is hy herhaaldelik vir infeksies in die hospitaal opgeneem en het hy hartoperasies ondergaan.
Luidens die verklaring het die monarg 'n infeksie en word hy deur beide Maleisiese en Noorse dokters behandel. Koning Harald V, wat Europa se oudste monarg is, het sowat ’n week gelede sy 87ste verjaardag gevier. Die koninklike familie het vroeër aangekondig dat die koning 'n private reis na die buiteland beplan, maar het nie presies gesê waar of wanneer nie.
Harald die Vyfde is sedert 1991 op die koninklike troon in Noorweë, nadat hy die troon van sy pa, koning Olaf V geërf het. Die monarg het onlangs gesondheidsprobleme gehad en het verskeie kere in die hospitaal deurgebring weens infeksies, en in 2020 het hy ook 'n operasie ondergaan vir hartklep vervanging. Koning Harald V het onlangs gesê hy het geen planne om Denemarke se koningin Margrethe II na te volg nie, wat in Januarie op die ouderdom van 83 geabdikeer het. Harald, wat die agter-agterkleinseun van Brittanje se koningin Victoria is, het gesê hy het geen planne om te abdikeer nie en sy eed om Noorweë te dien, is lewenslank.
Foto deur Gu Bra: https://www.pexels.com/photo/torn-flag-of-norway-billowing-in-the-wind-6639883/
