ჩინელმა მეცნიერებმა CRISPR/Cas9 ინსტრუმენტის გამოყენებით შექმნეს პომიდვრის გენმოდიფიცირებული ჯიში პოპკორნის არომატით, რომლის შემუშავებასაც 2020 წელს ქიმიის დარგში ნობელის პრემია მიენიჭა, წერს South China Morning Post, რომლის ციტირებასაც...
„გასაკვირი არომატის“ მქონე პომიდორი ქვეყნის აღმოსავლეთ ნაწილში, ჟეჟიანგის პროვინციაში ექსპერიმენტულ სათბურში გაიზარდა, იტყობინება სიანჰუს ლაბორატორიის ბიოტექნოლოგიური კვლევის ინსტიტუტის დირექტორის მოადგილე, სიუ შენჩუნი.
მეცნიერის თქმით, ასეთ არომატს შეუძლია გაამდიდროს პომიდვრის გემო, პოტენციურად გააუმჯობესოს მომხმარებლის პრეფერენციები და საბაზრო ღირებულება, არომატული ბრინჯის ჯიშების მსგავსად.
სიუ დასძენს, რომ მათ შეძლეს პომიდვრის შეცვლა მოსავლიანობის დაზიანების გარეშე.
ინტეგრაციული სოფლის მეურნეობის ჟურნალში გამოქვეყნებულ კვლევაში მეცნიერებმა გამოიყენეს CRISPR/Cas9 ინსტრუმენტი არომატული ნაერთების დათრგუნვაზე პასუხისმგებელი ორი გენის გასაჩუმებლად. შემდეგ პომიდვრებმა დაიწყეს „მაღალი ხარისხის არომატული ბრინჯისთვის დამახასიათებელი არომატის გამოყოფა, რომელიც კარაქიანი ახლად მომზადებული პოპკორნის არომატს წააგავს“.
ჩინელი ექსპერტები აღნიშნავენ, რომ პომიდორი მსოფლიოში ყველაზე მაღალი მოსავლიანობის მქონე კულტურებს შორისაა. თუმცა, ამ მასშტაბის მიღმა იმალება ნაკლი, რომელიც მომხმარებლებმა დიდი ხანია შენიშნეს: მისი გემო და არომატი თანდათან ქრება. სწორედ ამ მიზეზით, მკვლევარები ცდილობენ ხილის გემოსა და არომატის მახასიათებლების გამდიდრებას.
მეცნიერები განმარტავენ, რომ გენმოდიფიცირებული პომიდორი საკონტროლო ნიმუშებთან შედარებით მნიშვნელოვნად არ განსხვავდება ისეთი ძირითადი მახასიათებლებით, როგორიცაა ყვავილობის დრო, მცენარის სიმაღლე, ნაყოფის წონა, ხსნადი შაქარი და ორგანული ნივთიერებების შემცველობა.
საილუსტრაციო ფოტო Pixabay-ის მიერ: https://www.pexels.com/photo/two-tomatoes-373019/
