18 ივნისიდან 30 ევროს ოდენობის ჯარიმა დაწესდება.
საბერძნეთი კერძო ავტომობილებში პირველადი დახმარების ნაკრებების შემცველობის მოთხოვნებს ცვლის. ტურისტებსაც კი მოუწევთ გარკვეული ზომის იზოთერმული სამაშველო საბანი, სხვადასხვა სახის მარლა, სტერილური ხელთათმანები - ერთი კომპლექტი, სახვევი, წყალბადის ზეჟანგი და სხვა სავალდებულო დამხმარე მასალები. ახალი რეგულაცია ავტომობილებში პირველადი დახმარების ნაკრებში 16 სავალდებულო ნივთის არსებობას ითვალისწინებს.
საბერძნეთის ტრანსპორტის სამინისტრო ყურადღებას ამახვილებს იმ ფაქტზე, რომ მძღოლებმა უნდა შეამოწმონ, ხომ არ არის გასული პირველადი დახმარების ნაკრებში არსებული მასალების ვარგისიანობის ვადა. პირველადი დახმარების ნაკრები უნდა შეიცვალოს მინიმუმ ორ წელიწადში ერთხელ.
მძღოლებს ურჩევენ, რომ მოგზაურობისას მეტი ისეთი ნივთი შეინახონ, რაც არასდროს არის ზედმეტი. პირველადი დახმარების ნაკრებების აღჭურვის მოთხოვნების სრული სია გამოქვეყნებულია საბერძნეთის ტრანსპორტის სამინისტროს ვებსაიტზე.
ცვლილებების შესახებ ტუროპერატორებს ეცნობათ, რომლებმაც საბერძნეთში დასვენების დაჯავშნისას ტურისტები ცვლილებების შესახებ უნდა გააფრთხილონ. საგზაო პოლიცია ხაზს უსვამს, რომ საბერძნეთის გზებზე მოძრავი ყველა ავტომობილი ვალდებულია დაიცვას მოთხოვნები. მიმდინარე წლის 18 ივნისიდან, დარღვევის და პირველადი დახმარების ნაკრებში სავალდებულო დამხმარე მასალების არარსებობის შემთხვევაში, 30 ევროს ოდენობის ჯარიმა დაწესდება.
საილუსტრაციო ფოტო: pexels-damir-33577985.
