Пажӯҳишгоҳи обу ҳавошиносии Шоҳигарии Ҳолланд ҳушдор додааст, ки сатҳи баҳр дар соҳили ин кишвар то соли 2100 метавонад ду метр боло равад, хабар медиҳад портали маҳаллии интернетии DutchNews.nl.
Чунин таҳаввулот, бино ба гузориши ҳавошиносон, дар сурате имконпазир аст, ки суръати обшавии пиряхҳо дар қутби ҷанубӣ суръат бахшад. Агар ин тавр нашавад, аммо партови газҳои гулхонаӣ кам нашавад, пас сатҳи баҳр 1.2 метр баланд мешавад.
Донишкада ҳамчунин ҳушдор додааст, ки дар тобистон дар Ҳолланд тӯфони шадид ва хушксолӣ бештар рух медиҳад ва сатҳи оби рӯдхонаҳо дар тобистон коҳиш ёфта, дар зимистон боло меравад.
Дар соли 2014 коршиносон пешгӯӣ карда буданд, ки то соли 2100 сатҳи баҳр ҳадди аксар як метр боло хоҳад рафт.
Донишкада ин гузоришро камтар аз як ҳафта пеш аз конфронси солонаи иқлими СММ, ки 31 октябр дар Шотландия оғоз мешавад, нашр кард.
