Пулиси Русия 3000 муҳоҷирро дар тазоҳуроти соли нав дар саросари кишвар боздошт кардааст. Даҳҳо нафари онҳо бо ихроҷ рӯбарӯ ҳастанд. Дар ин бора расонаҳои Русия хабар медиҳанд.
Ҳудуди 3000 муҳоҷир дар дуввумин шаҳри бузурги Санкт-Петербурги Русия ҳангоми тафтиши ҷилавгирӣ аз ҷиноят боздошт шуданд.
"Чунонки маълум шуд, беш аз 600 нафар аз муҳоҷирон барои нақзи мухталифи қонунгузории муҳоҷират дар Русия қарор доштаанд", — хабар медиҳад РИА бо такя ба манобеъи худ.
Зиёда аз 100 нафари онҳо ба депортатсия дучор шуданд.
Дар миёни муҳоҷирони боздоштшуда дар Маскав як марди тоҷик бо либоси Бобои Барфӣ низ ҳаст.
Дар шаҳри Челябинск, воқеъ дар ғарби Русия, ниҳоди аслии тафтишотии Русия, Кумитаи тафтишоти Русия гуфт, ки алайҳи се муҳоҷир барои авбошӣ алайҳи низомиёни рус ва занони онҳо парвандаи ҷиноӣ боз мекунад.
«Тӯдаи муҳоҷирони маст ба ду ҷавони аз хатти ҷабҳа таркшуда ҳамла карданд ва як сарбоз бо калтак зарба зад, хабар медиҳад Кумита дар барномаи паёмнависии Telegram. Ҳамчунин гуфта шуд, ки муҳоҷирон ҳамсарони собиқадорони амалиёти вижаи низомиро таҳқир кардаанд.
Русия расман ҷанги зидди Украинаро "амалиёти низомии махсус" номид.
Кумита гуфт, ки ҳамчунин тафтиши фаъолияти ғайриқонунии муҳоҷирон дар вилояти Свердловски кӯҳҳои Урали Русия ва вилояти Маскавро оғоз кардааст.
Муҳоҷирони зиёде, ки умдатан аз кишварҳои ҳамсояи Осиёи Марказӣ, аз қабили Узбакистон, Тоҷикистон, Қирғизистон ва Арманистон барои ҷустуҷӯи кор ба Русия меоянд.
Президент Владимир Путин моҳи декабр гуфт, ки дар Русия беш аз 10 миллион муҳоҷири корӣ ба сар мебаранд.
"Ин мушкили осон нест" гуфт ӯ дар нишасти матбуотии солонаи худ.
