“Reuters” xəbər verir ki, Rusiya parlamentinin aşağı palatası olan Dövlət Duması əcnəbilərə rus surroqat anaların xidmətlərindən istifadəni qadağan edən qanun layihəsini qəbul edib. Yeni qanunvericiliyə əsasən, Rusiyada surroqat anadan doğulan uşaq avtomatik olaraq Rusiya vətəndaşlığını alacaq.
Həyat yoldaşlarından birinin Rusiya vətəndaşı olduğu evli cütlüklər gələcəkdə surroqat anaların xidmətlərindən istifadə edə biləcəklər. Ödənişli surroqat analıq Rusiyada qanunidir, lakin bu praktika dini təşkilatlar tərəfindən tənqid edilib və onlar bunun uşaq dünyaya gətirmənin kommersiyalaşdırılmasına bərabər olduğunu deyirlər.
Dövlət Dumasının sədri Vyaçeslav Volodin bəyan edib ki, yeni qanun layihəsi rus uşaqlarının müdafiəsinə yönəlib.