Sankt-Peterburqda dron əleyhinə xüsusi təyinatlı polis bölməsi peyda olub. O, kütləvi tədbirlər zamanı səmada təhlükəsizliyə cavabdeh olacaq, BBC Rus xidməti xəbər verir.
“İşçilər müxtəlif tapşırıqları yerinə yetirirlər. Bunlar, vəzifəsi pilotsuz uçuş aparatlarının (PUA) operatorlarını tutmaq olan mobil patrullardır. Snayperlər və karabinlərlə silahlanmış atıcı qrupları yaradılıb. Onlar dronları sıxışdırıb zərərsizləşdirmək üçün texniki vasitələrdən istifadə edirlər. Yeni bölmə ilk növbədə yeni ərazilərə ezam olunmuş (Rusiyada Ukraynanın işğal olunmuş rayonlarını belə adlandırırlar – qeyd red.) polis əməkdaşlarını qəbul edib”, – RBC Daxili İşlər Nazirliyinin nümayəndəsindən sitat gətirib.
Dron əleyhinə elektromaqnit tüfəngləri olan snayperlər ilk dəfə olaraq mayın 9-da peyda olub, onlar binaların damlarında və Qələbə günü paradında hava məkanını qoruyublar.
Çərşənbə günü Uralda Daxili İşlər Nazirliyinin Regional Baş İdarəsi böyük şəhərlərdə qadağan olunmuş ərazilərdə pilotsuz təyyarələrin uçuşlarına nəzarət edəcək xüsusi şöbələr yaradacağını açıqlayıb.
Keçən həftə, çərşənbə günü, mayın 3-də Kreml, Senat Sarayının günbəzi üzərində pilotsuz təyyarənin vurulması barədə məlumat verdi, müvafiq video sosial şəbəkələrdə yayıldı. Vladimir Putinin mətbuat xidməti bu hücumu “prezidentə sui-qəsd cəhdi” adlandırıb.
Ötən ilin sonundan etibarən Rusiyanın ən azı 40 regionu pilotsuz təyyarələrin uçuşlarını məhdudlaşdırıb və ya qadağan edib.
İllüstrativ Foto: Дмитрий Трепольский: