Кикбоксинг боюнча дүйнөнүн төрт жолку чемпиону Виталий Меринов өткөн аптада Луганскта Украинанын куралдуу күчтөрүнүн катарында согушуп жүргөндө бутунан алган жаракатынан улам ооруканада каза болгон. Спортчу украин армиясына ыктыярчы катары Орусиянын Украинага чабуулу башталгандан бир нече күн өткөндөн кийин кошулган. Согуш маалында Ивано-Франковскиге дайындалган.
Мэр Руслан Марцинков артында жубайы жана кичинекей баласы калган 32 жаштагы Мериновдун каза болгонун тастыктады.
Киев бийлиги 262 украиналык спортчу мекенин орус баскынчыларына каршы коргоп, курман болгон деп эсептейт.
Ушул себептен улам, Украина өкмөтү Эл аралык Олимпиада комитетине (МОК) орусиялык жана беларусиялык спортчуларды келерки жылы Парижде өтө турган Олимпиада оюндарына катыштырбоо өтүнүчү менен кайрылды.
Меринов орусиялыктар менен күрөшүп каза болгон жалгыз кикбоксчу эмес – украиналык кикбоксинг боюнча дүйнө чемпиону Максим Кагал өткөн жылдын март айында коркунучтуу “Азов батальонунун” атайын күчтөрүнүн курамында Мариуполь үчүн болгон салгылашта каза болгон.
Микола Забчук дагы кикбоксчу, орус баскынчылыгы учурунда каза болгон. Өмүрүн жоготкон башка украиналык спортчулардын арасында футболчу Сергей Баланчук, Людмила Чернецка (бодибилдинг), Александр Сербинов (жеңил атлетика) бар, деп билдирет «Спорт периштелери» журналы. Бул өткөн жылы Украинанын Спорт комитетинин жардамы менен өлкөдөгү спортчулардын абалы тууралуу маалымат берүү үчүн түзүлгөн жана азыркыга чейин каза болгон украиналык спортчулардын бардык учурларын жарыялаган журнал.
