Россиянын президенти Владимир Путин соттолгон 52 аялга ырайым кылуу тууралуу жарлыкка кол койду, деп жазат ТАСС бүгүн, 08.03.2024 Аялдардын эл аралык күнүн утурлай.
«Өлкө башчы ырайым кылуу чечимин кабыл алууда гумандуулук принциптерин жетекчиликке алган. Ырайым кылынган аялдардын көбү жашы жете элек балдары барлар, кош бойлуу аялдар, ошондой эле атайын аскердик операцияга катышкан туугандары бар аялдар», - деп айтылат маалыматта.
Кийинчерээк Кремлдин басма сөз катчысы Дмитрий Песков мунапыс Орусия президентинин консультациялык органы болгон Жарандык коомду жана адам укуктарын өнүктүрүү боюнча Кеңеште декабрда болгон талкууларга байланыштуу деп түшүндүрдү. Бул жыйында аялдардын айрым категорияларына мунапыс берүү маселеси көтөрүлдү, деп белгиледи ал.
«Бүгүнкү жарлыкка ЖККнын жыйынындагы талкуунун алкагында кол коюлду», - деди Песков.
