У сваёй пропаведзі Усяленскі Патрыярх Варфаламей накіраваў сардэчныя пажаданні ўсім неправаслаўным хрысціянам, якія адзначылі Вялікдзень у нядзелю 31 сакавіка, узначаліўшы нядзельную Боскую літургію ў храме святога Феадора” ў квартале “Вланга”.
«У гэты дзень вечная вестка Уваскрасення гучыць як ніколі глыбока, калі нашы браты і сёстры неправаслаўныя хрысціяне ўспамінаюць Уваскрасенне Госпада з мёртвых, святкуючы святы Вялікдзень. Усім тутэйшым хрысціянскім супольнасцям мы перадалі прывітанне Святой Вялікай Царквы Хрыстовай. Але мы таксама сардэчна вітаем з любоўю ўсіх хрысціян свету, якія сёння святкуюць Вялікдзень. Просім Уладара Славы, каб будучае сумеснае святкаванне Вялікадня ў наступным годзе не было выпадковасцю, але паклала пачатак адзінай даце яе святкавання як усходнім, так і заходнім хрысціянскім светам», — адзначыў Патрыярх Варфаламей.
«Гэтае імкненне асабліва важнае ў святле надыходзячага 1700-годдзя склікання Першага Нікейскага Усяленскага Сабору ў 2025 г. Сярод яго ключавых абмеркаванняў — пытанне ўстанаўлення агульных часавых рамак для святкавання Вялікадня. Мы настроены аптымістычна, бо ёсць добрая воля і жаданне з абодвух бакоў. Таму што асобна святкаваць унікальную падзею адзінага Уваскрэсення адзінага Госпада — сапраўды скандальна!», — заявіў таксама Патрыярх.
