Austriako Gobernuak 120 milioi euro bideratu zituen aurtengo aurrekontuan herrialdeko garraio mota guztietarako urteko doako txartela lortzeko, eta herrialdean helbide iraunkorra duten 18 urteko gazte guztiek dute hori jasotzeko eskubidea.
Inbertsio honen helburua da “gazteak garraio publikoa erabiltzera ohitzea, bere erosotasunak ezagutzea eta horrela epe luzera ingurumena babesten laguntzea”.
Hiru urteko epean, 21 urte bete arte, gazteek urteko doako txartel hau erabiltzeko eskubidea dute.
Leonore Gevesler Alderdi Berdeko Ingurumen ministroak duela bi urte aurkeztu zuen «urteko klima-txartela». Egunean hiru euroren truke, urteko txartel horren jabeek doan bidaiatu ahal izango dute garraio publikoa edozein dela ere, eta urtebeteko prezioa 1,095 eurokoa da. 65 urtetik gorako helduentzat, 25 urte arteko gazteentzat eta ezintasunen bat dutenentzat, tarifa baxuagoa da –821 euro–. Gaur egun, 245,000 lagunek erabiltzen dute Austriako urteko garraio txartela. Bat, bi edo hiru lurraldetarako balio du, eta horrek ere baldintzatzen du bere prezioa.
Argazki ilustratzailea: Vienako Garraio Publikoa / City of Vienna
