Հյուսիսային Կարոլինայի համալսարանի ամերիկացի փորձագետները հայտնաբերել են բրնձի օգտագործման կողմնակի ազդեցություն, որի մասին շատերը չեն էլ մտածում։ Բրնձի անսպասելի կողմնակի ազդեցությունը Գիտնականների կարծիքով՝ եփած բրինձը կարող է թունավոր լինել օրգանիզմի համար։ Եթե այն երկար ժամանակ պահվել է սենյակային ջերմաստիճանում, ապա չպետք է այն ուտել, այս դեպքում, ըստ հետազոտողների, կտրուկ մեծանում է թունավորման հավանականությունը։
Գիտնականները նշում են, որ բակտերիաներ կարելի է գտնել բրնձի մեջ: Նրանում ամենից հաճախ հանդիպում են հողից թափանցող Bacillus cereus տիպի բակտերիաներ։ Բրնձի եփման տարբեր եղանակների փորձարկումներից հետո գիտնականները պարզել են, որ ջերմային մշակումը միշտ չէ, որ ոչնչացնում է բրնձի մեջ ապրող բոլոր միկրոօրգանիզմները։ Եթե եփելուց հետո գոյատևած բակտերիալ սպորները սննդի հետ ներթափանցում են մարդու օրգանիզմ, դա կարող է ինքնազգացողության լուրջ վատթարացում առաջացնել: Բակտերիաների ակտիվությունը ուղեկցվում է տոքսինների, այդ թվում՝ ջերմակայունների արտազատմամբ, ինչը հրահրում է թունավորման ախտանիշները։ Մասնագետների կարծիքով՝ եփելուց հետո երկու ժամվա ընթացքում բրինձը պետք է դնել սառնարանում, հակառակ դեպքում թունավորման վտանգը շատ մեծ կլինի։
«Բակտերիալ սպորները կարող են գոյատևել բրնձի պատրաստման ժամանակ, եթե այն սովորաբար պահվում է սենյակային ջերմաստիճանում եփելուց հետո: Այս դեպքում սպորներն աճում ու բազմանում են»,- նշում են գիտական նախագծի հեղինակները։
Լուսանկարը՝ Սյուզի Հեյզելվուդի՝ https://www.pexels.com/photo/rice-in-white-ceramic-bowl-1306548/
