Դա տեղի է ունեցել Թուրքիայի նախագահի՝ Բուդապեշտ ժամանելուն պես։ Վիկտոր Օրբանը նրան զարմացրել է նվերով՝ ձիով. «Նվեր մի ձիավոր ազգից մյուս ձիավոր ազգին. արիստոկրատ, Նոնիուս ցեղատեսակի հովատակ Մեզեհեդիշ ձիաբուծարանից»,- գրել է նա Facebook-ում և գրառումն ուղեկցել լուսանկարով։ .
Դրա դիմաց նա էլեկտրամեքենա է ստացել Ռեջեփ Էրդողանից։
Երկուստեք դրսևորվեց հարաբերությունների լուրջ ջերմացում։ Սա Էրդողանի երկրորդ այցն է Հունգարիա վերջին մի քանի ամիսների ընթացքում։ Պաշտոնական առիթը երկու երկրների միջև դիվանագիտական հարաբերությունների հաստատման 100-ամյակն է, սակայն ուշադրության կենտրոնում Շվեդիայի՝ ՆԱՏՕ-ին անդամակցելու թեման է, որը ոչ Թուրքիան, ոչ Հունգարիան դեռ չեն վավերացրել։
«Հունգարիայի համար Թուրքիան շատ կարևոր է։ Հունգարիան չունի անվտանգություն առանց Թուրքիայի. Մենք չենք կարող կանգնեցնել մեզ սպառնացող միգրացիան առանց նրանց օգնության։ Միակ երկիրը, որը կարողացավ ինչ-որ արդյունքի հասնել Ուկրաինայի և Ռուսաստանի միջև խաղաղության ուղղությամբ, Թուրքիան էր՝ հացահատիկի գործարքով»,- մանրամասնել է Օրբանը։
