Поэма "Байкуш балдар" деп аталат.
Жазуучу Виктор Гюгонун атын алып жүргөн Безансон колледжи архивин керексиз эски документтерден тазалап жатып Гюгонун ырынын кол жазмасын таап алганын “Le Figaro” гезити жазды.
«Биз жаңы жыл түнү архивди тазалап, керексиз эски документтерди ыргыткыбыз келген», - дейт колледждин директору Жан-Жак Фито. Натыйжада кызматкерлер бухгалтердик эсептердин ортосундагы кеңселердин биринде Виктор Гюгонун колу коюлган “бардыгы унутуп калган” сейрек кол жазманы кезиктиришти.
Кол жазма 150 жылга жакын, бирок ал абдан жакшы сакталган. Ал ачылгандан кийин айнектин астына коюлуп, азыр директордун кабинетинин бир дубалын кооздоп турат.
Поэма “Байкуш балдар” деп аталат. Колледж 1951-жылы эки баракка кол менен жазылган баалуу текстти алган.
1868-жылы Виктор Гюго аны байге катары кайрымдуулук лотереясында жазуучунун кичи мекени Безансондогу жакыр балдардын жыргалчылыгы үчүн каражат чогултуу үчүн сунуш кылган. Экинчи кол китеп сатуучу аны лотереянын жеңүүчүсүнүн уулунан сатып алып, 1951-жылы май айында Виктор Гюго лицейинин жетекчилигине 6,000 франкка кайра саткан. 1980-жылы лицей колледжге айланган.
Поэманын текстинин варианты 1837-жылы «Ички үн» жыйнагында жарык көргөн.
Безансон колледжи 1885-жылы жазуучуну акыркы сапарга узатуу аземинин эртеси Виктор Гюгонун ысымын алган Франциядагы биринчи окуу жайы болгон.
Сүрөт: Виктор Гюго (Getty Images/Gulliver Photos)
