Avy amin'ny Vatican News
Tamin’ny 1981 no nisy famonoana ofisialy farany tany amin’ny République centrafricaine.
Tao anatin'ny vanim-potoanan'ny fanelanelanana, tsy nangataka fanamelohana ho faty ho an'ny voaheloka intsony ny rafi-pitsarana, na dia mbola nisy aza ny fanamelohana ho faty.
Tsy izany intsony no nitranga taorian’ny latsa-bato nataon’ny Antenimierampirenena tamin’ny zoma teo mba hanafoanana ny fanamelohana ho faty. Nanao izany i Chad tamin'ny 2020, ary i Sierra Leone tamin'ny 2021.
Ny fepetra an'ohatra indrindra dia tsy azo inoana fa hanova ifotony ny toe-draharaham-piarovana ao amin'ny firenena, izay anjakan'ny herisetra sy ny ady eo amin'ny vondrona mpikomy sy ny tafika nasionaly, tohanan'ny mpikarama an'ady Rosiana. Saingy milaza ireo mpiaro ny zon'olombelona fa famantarana tsara ny fanafoanana ny fanamelohana ho faty.
Ny fanoheran’ny Fiangonana ny fanamelohana ho faty
Ny Katesizin'ny Fiangonana Katolika, hatramin'ny fanavaozana naorin'ny Papa François tamin'ny taona 2018, manameloka ny fampiasana ny fanamelohana ho faty.
Voalaza ao fa “tsy azo ekena ny fanamelohana ho faty satria famelezana ny tsy azo tsinontsinoavina sy ny hasin’ny olona”, na dia misy heloka be vava aza.
Mandritra izany fotoana izany, “novolavolaina ny rafitra fitazonana mahomby kokoa, izay miantoka ny fiarovana ara-dalàna ny olom-pirenena, nefa, miaraka amin'izay koa, tsy manaisotra tanteraka ny mety ho fanavotana ho an'ny meloka.”
Ity famolavolana vaovao momba ny fanamelohana ho faty ity, izay nankatoavin'ny Papa François, dia nanomboka tamin'ny 1 Aogositra 2018.
Mampirisika ny Eglizy àry ny Katesizy mba “hiasa amim-pahatapahan-kevitra amin’ny fanafoanana [ny fanamelohana ho faty] maneran-tany”.
