Nanasonia didim-panjakana mamela heloka vehivavy 52 voaheloka ny filoha Rosiana Vladimir Putin, notaterina tamin'ny 08.03.2024 androany, tamin'ny ankatoky ny Andro Iraisam-pirenena ho an'ny Vehivavy, hoy ny nosoratan'i TASS.
“Rehefa nandray fanapahan-kevitra hamela heloka ny filoham-panjakana dia notarihin'ny foto-kevitry ny maha-olombelona. Ny ankamaroan’ireo vehivavy nahazo famotsoran-keloka dia ireo manan-janaka tsy ampy taona, vehivavy bevohoka, ary koa ireo vehivavy manana havana mandray anjara amin’ny hetsika miaramila manokana”, hoy ny fanazavana.
Taty aoriana, nanazava ny mpitondra tenin'i Kremlin Dmitry Peskov fa ny famotsoran-keloka dia mifandraika amin'ny fifanakalozan-kevitra tamin'ny volana Desambra tao amin'ny Filankevitry ny Fampandrosoana ny Fiarahamonim-pirenena sy ny Zon'Olombelona (CSC), vondrona mpanolo-tsaina ny filoha Rosiana. Nivoitra tamin’ity fihaonana ity ny momba ny famotsoran-keloka ho an’ny sokajy vehivavy sasany, hoy izy.
“Nosoniavina tao anatin'ny tontolon'ny fifampidinihana tamin'ny fivorian'ny CSC ny didim-panjakana androany,” hoy i Peskov.
