Tamin'ny 17 Aprily, ny Antenimieran'ny Parlemanta ao amin'ny Filankevitry ny Eoropa (PACE) dia nandray fanapahan-kevitra mifandraika amin'ny fahafatesan'ny mpitarika Rosiana mpanohitra Alexei Navalny. Ny antontan-taratasy noraisina dia nilaza fa ny fanjakana Rosiana "nenjehina ary novonoina tamin’ny farany” Navalny noho ny nanatevin-daharana ny mpanohitra ny fitondran'i Vladimir Putin.
Tao anatin'ny fanapahan-kevitra noraisiny, nilaza ny PACE fa teo ambany fitondran'i Vladimir Putin, nivadika ho jadona i Rosia ary ny fitondrana dia “nanolo-tena tanteraka amin'ny ady amin'ny demokrasia“. Ny fitondran'i Vladimir Putin dia mifikitra amin'ny foto-pisainana neo-imperialista an'ny “Tontolo Rosiana”, izay novan'i Kremlin ho fitaovana fampiroboroboana ady. Io foto-pisainana io dia ampiasaina handravana ny sisa tavela amin'ny demokrasia, hampiady ny fiarahamonina Rosiana, ary hanamarinana ny herisetra ivelany hanitarana ny sisintanin'ny Federasiona Rosiana mba hampidirana ny faritany rehetra izay teo ambany fitondran'i Rosia taloha, anisan'izany i Okraina.
Ilay fanapahan-kevitra koa dia manondro ny Eglizy Ortodoksa Rosiana sy ny lohany, patriarika Cyril avy any Moscou.
Ny antontan-taratasy dia manakiana ny patriarika Cyril, ary ny Eglizy Ortodoksa Rosiana dia nofaritana ho “… fitohizan'ny ideolojikan'ny fitondran'i Vladimir Putin, voarohirohy tamin'ny heloka bevava an'ady sy ny heloka bevava natao tamin'ny anaran'ny Federasiona Rosiana sy ny foto-kevitry ny tontolo Rosiana.”
Nilaza ihany koa ilay fanambarana fa ny Patriarka ao Moskoa sy ny patriarka Cyril dia mampiely ny foto-pisainana momba ny “tontolo Rosiana”, miantso ny ady amin'i Okraina ho “ady masin'ny Rosiana rehetra” ary miantso ny mpino ortodoksa hanao sorona ny tenany ho an'i Rosia.
"Tohina ny PACE noho ny fanararaotana ara-pivavahana sy fanodinkodinana ny fomban-drazana ortodoksa Kristiana nataon'ny fitondran'i Vladimir Putin sy ireo solony tao amin'ny Patriarka tao Moskoa,», hoy ny fanapahan-kevitra.
