Откритието сè уште бара истражување и потврда, но научниците веќе го нарекуваат најголемото откритие во последните децении.
Меѓународен тим археолози кои ја ископуваа египетската пустина во Абу Гораб во 2021 година, јужно од Каиро, открија антички урнатини за кои веруваат дека се еден од шесте познати изгубени храмови на Сонцето.
Според научниците, овие храмови биле изградени пред околу 4,500 години за време на животот на фараоните од Петтата династија како нивно последно почивалиште за да се осигура дека фараоните ќе воскреснат како богови во задгробниот живот.
Експертите знаат за шест такви градби, но само две од нив се пронајдени. Сепак, веројатно е дека новото откритие може да испадне дека е третиот храм.
Првично, експертите кои ископуваа северно од египетското археолошко наоѓалиште Абусир открија остатоци од веројатниот Храм на Сонцето, изграден за фараонот Њусера, кој владеел околу 30 години во 25 век п.н.е. Но, понатамошните ископувања открија постар темел направен од тули од кал, што покажува дека на ова место веќе постоела зграда.
Експертите потоа пронајдоа основа на бел варовнички столб длабок околу половина метар и многу бокали со пиво за ритуални понуди, што, во комбинација со новооткриената архитектура, е важен доказ за теоријата на Храмот на сонцето.
За кого и кога точно бил изграден овој стар оригинален храм останува мистерија. Иако научниците веруваат дека, најверојатно, тоа бил владетел од истиот период.
Потсетиме дека фараоните од Петтата династија владееле околу 150 години од почетокот на 25 век п.н.е. до средината на 24 век п.н.е. Само мал број од овие владетели имале свои храмови на Сонцето, создадени во името на богот на сонцето Ра на западниот брег на Нил, пишува The Sun.
Научниците допрва треба да ги завршат ископувањата и да ги спроведат потребните истражувања, но новото откритие веќе го нарекуваат најголемото археолошко откритие на Египет во последните децении.