Во пресрет на новата учебна година, Француската федерација на потрошувачи UFC-Que Choisir ги повикува родителите да не купуваат пенкала за своите деца бидејќи содржат „коктел од штетни состојки“.
Здружението анализираше шест категории училишни прибори присутни во детските комплети: пенкала, ролери со гел што се бришат, касети со мастило за пенкала, маркери, фломастери и моливи во боја. Младите корисници често ги валкаат прстите со мастило и имаат тенденција да ги џвакаат моливите и пенкалата, со што се изложени на ризик да внесат штетни материи кои предизвикуваат алергии на кожата, рак или нарушувања на ендокриниот систем.
Увидот покажа дека речиси половина од анализираните алатки содржат потенцијално опасни материи. Ризикот беше сфатен сериозно од Националната агенција за санитарна безбедност (Anses) на почетокот на летото, врз основа на претходните истражувања на синдикатот на потрошувачи, пренесува AFP. Експертите на агенцијата дошле до заклучок дека недостига потребната легислатива и на француско и на европско ниво. Според тоа, агенцијата препорачува прописите за училишен прибор да се усогласат со многу порестриктивните прописи за играчки.
Фотографија на Алина Блумберг:
