На социјалните мрежи добил преку 5,000 закани
Сериозен расистички скандал го потресе францускиот фудбал, а главен актер во него е селекторот на мултимилионската репрезентација Пари Сен Жермен.
56-годишниот Французин беше обвинет од неговиот поранешен менаџер дека отворено негодува поради присуството на премногу обоени играчи, како и муслимани во неговиот тим.
Инцидентот се случи во Ница, каде Галтие беше тренер една година пред да добие понуда од ПСЖ, каде што беше тренер од јули минатата година. Обвинението доаѓа од поранешниот директор на Ница – Жулиен Фурние, кој сподели за вознемирувачки разговори и мејлови од Галтие.
Тренерот неколку пати директно му кажал дека е недозволиво тимот на Ница да биде исполнет со обоени луѓе и муслимани, а според Галтие ова не им се допаднало ниту на локалното население.
„Тој рече дека додека вечерал низ елитните градски ресторани, луѓето биле огорчени од бројот на обоените луѓе и муслиманите во тимот. Галтие го сподели ова чувство и едноставно не можев да верувам на што бев сведок.
Ми кажа дека нашол тим, во кој половината се црнци, а другата половина половина од денот го поминува во џамија“, вели поранешниот директор Фурние.
Откритијата доведоа до сериозен скандал, а Кристоф Галтие веќе доби над 5,000 пораки на социјалните мрежи, сите исполнети со навреди и закани.
Нормално, тој самиот ги демантираше овие зборови и во пораката што ја објави неговиот адвокат објави дека е жртва на лажни обвиненија.
Но, темата допрва треба да се разоткрие, бидејќи ПСЖ започна сопствена истрага за случајот, а исто така најсериозната ултрас група парижани најавија дека внимателно ја следат темата и француската престолнина може да испадне тесна за Галтие доколку овие негови зборови се потврдуваат.
Сето ова доаѓа во време кога иднината на Галтие во Париз и онака не е особено сигурна.
И покрај тоа што ги имаа Меси, Мбапе и Нејмар во својот тим, тој и ПСЖ уште еднаш беа исфрлени од Лигата на шампионите доста рано, и покрај титулата која се наближува, таа ќе дојде по серијата неубедливи резултати, а знаеме дека арапските сопственици на клубот имаат многу повеќе големи амбиции од самото освојување на Лига 1.
Илустративна фотографија од Андрес Аиртон:
