Тим од египетски адвокати и археолози бараат стриминг компанијата „Нетфликс“ да плати отштета во износ од две милијарди долари за искривувањето на ликот на кралицата Клеопатра и Стариот Египет во играно-документарната серија „Клеопатра“, онлајн изданието. објави „Египет Индепендент“. Барањето е упатено во писмо до Организацијата за образование, наука и култура на Обединетите нации (УНЕСКО).
Експертите истакнуваат дека Египет има право да преземе правни дејствија за заштита и зачувување на своето материјално и нематеријално наследство, без разлика дали е античко или модерно.
Пред неколку дена, Министерството за култура на северноафриканската земја поднесе жалба до египетското обвинителство против американската компанија, барајќи филм да бидат отстранети од платформата и да не бидат прикажани во каква било форма.
Ова е прва правна постапка од официјална институција во врска со серијата. Претходно, адвокатот Махмуд Ал Семар објави дека презема чекори за блокирање на Нетфликс во земјата.
Документарната серија предизвика бран на незадоволство и критики во Египет против кастингот на црната актерка Адел Џејмс за улогата на Клеопатра Севен. По неговата премиера, египетското Министерство за туризам и културни споменици објави официјално соопштение дека легендарната кралица, која беше последниот монарх од династијата Птоломеј, има светла кожа.