Децата од педијатриската клиника со која раководи Ватикан пееја неколку песни за Светиот Отец
Папата Франциско денеска наполни 87 години, а го пречекаа децата кои му помогнаа да ја дувне свеќата на славеничката бела торта, објави Ројтерс. Децата од педијатриската клиника со која раководи Ватикан му пееја неколку песни на Светиот Отец и му подарија букет сончоглед.
Подоцна, во традиционалната божиќна сезона за време на неговото неделно обраќање на плоштадот Свети Петар, тој благослови мали фигурини на бебето Исус кои ги држат децата кои потоа ќе ги стават во нивните домови.
„Среќен роденден“ (Buon Compleanno на италијански), извикуваа десетиците мали деца на плоштадот, држејќи плакати со истата честитка.
Папата Франциско е роден Хорхе Марио Бергољо на 17 декември 1936 година во Буенос Аирес, Аргентина, од родители италијански имигранти. На 13 март 2013 година, кардиналите го избраа за прв папа од Латинска Америка.
Италијанскиот премиер Џорџија Мелони, исто така, го поздрави Светиот Отец со објава на платформата X, до неодамна Твитер, и му се заблагодари за неговата „силна посветеност на мирот“ ширум светот.
Илустративна фотографија од Џејвон Сваби: https://www.pexels.com/photo/white-and-beige-concrete-building-duuring-nighttime-2762485/