Пред неколку дена семејството Гучи ги објави на продажба своите две вили во Рим, кои се раскошни и луксузни како и познатите модели на легендарната модна куќа, сместена во најексклузивниот станбен дел на Рим.
Изградени од Алдо Гучи откако се преселил во Рим во 1940-тите, овие две вили се наоѓаат на само 10 минути од историскиот центар на градот, во една од најексклузивните станбени области.
Главниот замок беше местото каде што династијата Гучи славеше празници и други специјални прилики, а двете вили се опкружени со огромен парк и делат базен. Нивниот дизајн, се разбира, црпи инспирација од Италија, но и од англиските дворци, бидејќи Олвен Прајс, сопругата на Гучи, била Британка - англискиот вкус може да се види во колоните и заоблените прозорци.
Поголемата вила има соба за игри, главна спална соба со две бањи и гардероба и простории за персоналот. Помалата вила треба да се ажурира, но би била одлична куќа за гости, според Кјара Џенарели, советник за недвижнини за Forbes Global Properties.
Вилите, кои се продаваат во една котација, се на пазарот за 15 милиони евра.
Фото: Forbes Global Properties
