Италијанската влада предаде 500,000 евра за реставрација на уништената катедрала „Преображение“ во Одеса, соопшти градоначалникот на градот Генадиј Труханов. Централниот храм на украинскиот град беше уништен од руска ракета во јули 2023 година. Помошта беше доделена според договорот меѓу италијанската влада, УНЕСКО и локалната власт, откако беше подготвен извештај за штетата на зградата. Црквата, која е споменик на УНЕСКО, беше погодена од ракетен оган, при што ракетата го погоди олтарот на црквата.
Властите почнаа да ја зајакнуваат зградата и да го обновуваат покривот уште пред да пристигне помошта од Италија: „Немавме време да чекаме, бидејќи можевме да го изгубиме она што остана од катедралата по ударот на ракетата. Затоа, со средства од добродетели и парохијани на епархијата Одеса, беше обновен покривот и започнаа работите на реставрација на најоштетениот дел од зградата“.
Италијанците размислуваат за поголем долгорочен формат на соработка со владата на Украина за обновување на Одеса и за спроведување на систематски и сеопфатен пристап за зачувување на културното наследство во градот.
Илустративна фотографија од Викторија Емерсон: https://www.pexels.com/photo/anonymous-woman-with-easel-painting-historic-building-standing-in-city-park-6038050/
