Европската унија (ЕУ) воведе забрана за летови на авиокомпанијата Southwind со седиште во Анталија, тврдејќи дека е поврзана со Русија.
Во веста објавена на Aerotelegraph.com, се наведува дека истрагата спроведена од финските воздухопловни власти заклучила дека мнозинската сопственост и ефективната контрола на авиокомпанијата е во Русија и дека е поврзана со руски финансиски групи. Поради оваа причина, Финска не и дозволи на компанијата да лета меѓу Анталија и Хелсинки.
Веднаш по оваа одлука, Брисел во четврток, 28 март, исто така објави дека на компанијата Southwind Airlines, чие официјално име е Cortex Aviation and Tourism Trade, и е забрането полетување, летање и слетување на територијата на сите земји-членки на ЕУ, согласно со член 3г, член 31 од Регулатива бр.833/2014.
Беше забележано дека предметната забрана ќе биде спроведена веднаш.
Компанијата исто така нема да може да лета до Цирих, Швајцарија, која не е членка на ЕУ, но целиот европски воздушен простор е затворен за Southwind Airlines.
Санкциите на ЕУ против Русија се обемни и без преседан. Тие вклучуваат насочени рестриктивни мерки, економски санкции, дипломатски и визни мерки.
Овие мерки се дел од одговорот на ЕУ на руската агресивна војна против Украина и имаат за цел да го поддржат територијалниот интегритет и суверенитет на Украина, како и да побараат одговорност од Русија за нејзините постапки.