Вселенскиот патријарх Вартоломеј во својата проповед упати срдечни желби до сите неправославни христијани кои го прославија Велигден во неделата на 31 март, откако ја водеше неделната Божествена Литургија во храмот Свети Теодор“ во населбата „Вланга“.
„На овој ден вечната порака на Воскресението звучи подлабоко од кога и да е, додека нашите неправославни браќа и сестри христијани го одбележуваат Воскресението на нашиот Господ од мртвите, славејќи го светиот Велигден. Ги испративме поздравите на Светата Голема Христова Црква до сите христијански заедници овде. Но, со љубов срдечно ги поздравуваме и сите христијани ширум светот кои денес го слават Велигден. Го молиме Господа на славата претстојното заедничко празнување на Велигден следната година да не биде обична случајност, туку да го означи почетокот на единствен датум за неговото одбележување и од источниот и од западниот христијански свет“, истакна патријархот Вартоломеј.
„Овој стремеж е особено значаен во светлината на претстојната 1700-годишнина од свикувањето на Првиот вселенски собор во Никеја во 2025 година. Меѓу неговите клучни дискусии е прашањето за воспоставување заедничка временска рамка за прославата на Велигден. Ние сме оптимисти бидејќи има добра волја и желба од двете страни. Затоа што е навистина скандалозно да се слави одвоено единствениот настан на едното Воскресение на еден Господ!“, изјави и патријархот.
