Maanta, Golaha Yurub waxaa ku biiray Madaxweynaha Mareykanka Joseph R. Biden, Jr.
Hogaamiyayaasha ayaa ka wada hadlay sida wadajirka ah iyo jawaabta mideysan ee Midowga Yurub iyo Mareykanka ee ku wajahan gardarrada aan loo meel dayin ee Ruushka uu ku hayo Ukraine.
Waxay dib u eegeen dadaalkooda joogtada ah ee lagu soo rogayo kharashaadka dhaqaale ee Ruushka iyo Belarus, iyo sidoo kale sida ay diyaarka ugu yihiin inay qaadaan tallaabooyin dheeraad ah iyo in la joojiyo isku day kasta oo lagu xakameynayo cunaqabataynta.
Hogaamiyayaasha ayaa ka wada hadlay baahiyaha degdega ah ee ka dhashay gardarada Russia,iyaga oo ay ka go’an tahay sii wadida gargaarka bini’aadantinimo,oo ay ku jiraan wadamada dariska ah ee martigaliya qaxootiga,waxana ay hoosta ka xariiqeen baahida loo qabo in Ruushku uu dammaanad qaado gargaar bini’aadantinimo oo la gaadhsiiyo dadka ay saameeyeen ama ka soo cararay rabshadaha.
Madaxdu waxay soo dhaweeyeen furitaanka baaritaannada caalamiga ah, oo ay ku jiraan dacwad oogaha maxkamadda dambiyada caalamiga ah, iyo dadaallada socda ee lagu uruurinayo cadeymaha gabood-fallada.
Intaa waxaa dheer, hoggaamiyeyaashu waxay ka wadahadleen iskaashiga EU-US si loo yareeyo ku tiirsanaanta shidaalka fosil ee Ruushka, dardargelinta kala-guurka tamarta nadiifka ah, iyo sidoo kale baahida loo qabo in laga jawaabo baahiyaha sugnaanta cuntada ee sii kordhaya ee adduunka oo dhan.
Hogaamiyayaasha ayaa sidoo kale ku heshiiyey muhiimada ay leedahay xoojinta adkeysiga dimuqraadiga ah ee Ukraine, Moldova, iyo gobolka iskaashiga bari ee ballaaran.
Ugu dambayntii, hoggaamiyayaashu waxa ay hoosta ka xariiqeen muhiimadda ay leedahay in kor loo qaado ammaanka iyo difaaca badweynta Atlantic, oo ay ku jirto iyada oo loo marayo iskaashi adag oo NATO iyo EU-da ah sida lagu qeexay istaraatiijiyadda Midowga Yurub.
