Rossiya parlamentining quyi palatasi Davlat dumasi xorijliklarga rossiyalik surrogat onalar xizmatidan foydalanishni taqiqlovchi qonun loyihasini qabul qildi, deb xabar berdi Reuters agentligi. Yangi qonunchilikka ko‘ra, Rossiyada surrogat onadan tug‘ilgan bola avtomatik ravishda Rossiya fuqaroligini oladi.
Er-xotinlardan biri Rossiya fuqarosi bo'lgan turmush qurgan juftliklar kelajakda surrogat onalar xizmatidan foydalanishlari mumkin. Rossiyada pullik surrogatlik qonuniydir, biroq bu amaliyot diniy tashkilotlar tomonidan tanqid qilinib, ular buni farzand ko‘rishni tijoratlashtirishga teng deb aytishadi.
Davlat Dumasi raisi Vyacheslav Volodinning aytishicha, yangi qonun loyihasi rossiyalik bolalarni himoya qilishga qaratilgan.