10 aprel kuni YeI sudi rossiyalik milliarderlar Mixail Fridman va Pyotr Avenni Ittifoqning sanksiyalar ro‘yxatidan chiqarishga qaror qildi, deb xabar bermoqda Reuters.
“Yevropa Ittifoqi Bosh sudi dastlabki qarorlarda keltirilgan sabablarning hech biri yetarli darajada asoslanmagan deb hisoblaydi va shuning uchun janob Aven va janob Fridmanning (sanksiyalar) ro‘yxatiga kiritilishi asosli emas”, — deyiladi bayonotda.
Yevropa Ittifoqi ikki rossiyalik oligarxga Rossiyaning asosiy banklaridan biri Alfa Bankni o‘z ichiga olgan Alfa Group konglomeratining aktsiyadorlari sifatida ular Ukrainaga hujum uchun javobgar bo‘lgan rossiyalik amaldorlarga moliyaviy ko‘mak ko‘rsatganini iddao qilib, sanksiya qo‘ydi.
Lyuksemburgda joylashgan sud qarorida Aven va Fridmanga nisbatan 2022-yil fevralidan 2023-yil martigacha Rossiya prezidenti Vladimir Putin bilan aloqalari va Ukrainaga keng ko‘lamli bostirib kirishi sababli joriy qilingan sanksiyalar nazarda tutilgan.
Foto: freestocks.org: https://www.pexels.com/photo/blue-and-yellow-round-star-print-textile-113885/
