Паводле Vatican News
Апошняе афіцыйнае пакаранне смерцю ў Цэнтральнаафрыканскай Рэспубліцы адбылося ў 1981 годзе.
За гэты перыяд сістэма правасуддзя больш не запытвала смяротнае пакаранне ў дачыненні да асуджанага, хоць магчымасць смяротнага пакарання заставалася.
Гэта больш не так пасля таго, як ніжняя палата парламента ў пятніцу акламацыяй прагаласавала за адмену смяротнага пакарання. Чад зрабіў гэта ў 2020 годзе, а Сьера-Леонэ — у 2021 годзе.
Пераважна сімвалічная мера наўрад ці можа прынцыпова змяніць сітуацыю з бяспекай у краіне, якая пакутуе ад гвалту і баёў паміж паўстанцкімі групоўкамі і нацыянальнай арміяй, якую падтрымліваюць расійскія найміты. Але праваабаронцы сцвярджаюць, што адмена смяротнага пакарання з'яўляецца пазітыўным сігналам.
Апазіцыя Касцёла да смяротнага пакарання
Катэхізіс Каталіцкага Касцёла пасля рэформы, уведзенай Папам Францішкам у 2018 г. асуджае прымяненне смяротнага пакарання.
У ім гаворыцца, што «смяротнае пакаранне недапушчальна, таму што гэта замах на недатыкальнасць і годнасць асобы», нават у выпадку вельмі цяжкага злачынства.
Разам з тым «распрацаваны больш эфектыўныя сістэмы ўтрымання пад вартай, якія забяспечваюць належную абарону грамадзян, але ў той жа час канчаткова не пазбаўляюць вінаватых магчымасці выкупу».
Гэтая новая фармулёўка адносна смяротнага пакарання, зацверджаная Папам Францішкам, уступіла ў сілу 1 жніўня 2018 года.
Такім чынам, Катэхізіс заклікае Касцёл «рашуча працаваць над адменай [смяротнага пакарання] ва ўсім свеце».
