Карэспандэнт Vatican News
Прэс-служба Святога Пасаду паведаміла ў пятніцу, што Папа сустрэўся са спадарыняй фон дэр Ляйен у Дзяржсакратарыяце і што іх перамовы былі «сардэчнымі».
Папа і старшыня Еўрапейскай камісіі «засяродзіліся на добрых двухбаковых адносінах і сумеснай прыхільнасці працаваць над спыненнем вайны ва Украіне, прысвяціўшы асаблівую ўвагу гуманітарным аспектам і харчовым наступствам працягу канфлікту».
Яны таксама гаварылі пра «высновы Канферэнцыі аб будучыні Еўропы і наступствах для будучай структуры Саюза».
Адказваючы на пытанні журналістаў, дырэктар прэс-службы Святога Пасаду Матэа Бруні сказаў, што яны гаварылі пра «вайну ва Украіне, клімат і ўстойлівую архітэктуру».
Пасля гэтага спадарыня фон дэр Ляен сустрэлася з кардыналам Дзяржсакратаром Пьетра Паралінам і арцыбіскупам Полам Рычардам Галахерам, сакратаром па сувязях з дзяржавамі і міжнароднымі арганізацыямі.
