Ліза Зенгарыні
Папа Францішак у суботу звярнуўся да членаў Кангрэгацыі Найсвяцейшага Адкупіцеля (CSsR), вядомых як рэдэмптарысты, якія сабраліся ў Рыме на 26-й Генеральнай Капітуле з 11 верасня па 7 кастрычніка.
Чатырохтыднёвая сесія сканцэнтравана на вызначэнні напрамку дзейнасці Кангрэгацыі, заснаванай св. Альфонсам дэ Лігуоры, на наступныя шэсць гадоў і на абранні новага кіраўніцтва для кантролю за яго выкананнем.
У сваім падрыхтаваным слове Папа Францішак прывітаў удзельнікаў капітула і ўсю сям’ю рэдэмптарыстаў, удзяляючы, у прыватнасці, новага Генеральнага настаяцеля айца Ражэрыа Гомеса.
Не бойцеся ісці новымі шляхамі
Адзначаючы, што цэлебрацыя Генеральнага Капітула «гэта не кананічная фармальнасць», але «жыццё Пяцідзесятніцы, якая мае здольнасць рабіць усё новым», Папа Францішак падкрэсліў важнасць тэм, якія разглядаюцца на сесіі, — тоеснасці, місіі, кансэкраванага жыцця, фармацыі і кіравання – каб “пераасэнсаваць” сваю альфансіянскую харызму.
Ён заахвоціў рэдэмптарыстаў «не баяцца ісці новымі шляхамі і весці дыялог са светам», не адрываючы позірку Ісус «які спустошыў Сябе, прыняўшы постаць слугі».
Канверсія сэрца і змена структур
Нагадваючы, што ў цэнтры іх харызмы знаходзіцца «гатоўнасць» супрацьстаяць любым выпрабаванням, каб несці кожнаму Адкупленне Хрыста, Папа настойваў на важнасці аднаўлення ў Касцёле і ў кансэкраваным жыцці, каб «з творчай вернасцю» адказаць на Яго місію.
Абнаўленне, заўважыў ён, патрабуе працэсу «навяртання сэрца і розуму» (метанойя), а заадно і «змена структураў». Гэта часам прадугледжвае развітанне з некаторымі старымі традыцыямі і культурнымі звычаямі — нашымі «старымі слоікамі», што можа быць «балючым» працэсам, але «неабходным», калі мы хочам стаць «місіянерамі надзеі».
Будучы місіянерамі надзеі
У сувязі з гэтым ён папярэдзіў, што “тыя, хто застаецца прывязаным да ўласнай пэўнасці, рызыкуюць упасці ў склероз сэрца, які перашкаджае дзеянню Духа ў сэрцы чалавека”.
Тры слупы
Пакуль рэдэмптарысты распачынаюць гэты працэс аднаўлення, Папа Францішак таксама нагадаў ім, што «нельга забываць пра тры асноўныя слупы: цэнтральнае месца Таямніцы Хрыста, супольнае жыццё і малітва».
Завяршаючы сваю прамову, Папа Францішак выказаў пажаданне, каб новаабраны кіруючы орган Кангрэгацыі праявіў «пакору, еднасць, мудрасць і праніклівасць» у кіраванні Сям’ёй рэдэмптарыстаў у гэтыя складаныя часы.
Ніколі не забывайце бедных
Давяраючы Кангрэгацыю апецы Маці Нястомнай Дапамогі, ён завяршыў малітву аб тым, каб місіянеры-рэдэмптарысты былі «вернымі і трывалымі» ў сваёй місіі, «ніколі не забываючыся на самых бедных і занядбаных», якім яны служаць і якім абвяшчаюць Добрую Навіну аб Адкупленні.
