З нагоды масавага забойства дзяцей непаўналетнім аднакласнікам у бялградскай пачатковай школе, якое адбылося сёння раніцай, Патрыярх Сербскі Парфірый зрабіў наступную заяву:
З нясцерпным болем слухаю вестку пра катастрофу, якой яшчэ не было ў нашым народзе і на нашай радзіме, а сёння яна здарылася ў бялградскай пачатковай школе. Малюся Хрысту Збавіцелю за пацярпелых дзяцей і тых, хто працуе ў школе. Малюся да Збаўцы за іх бацькоў, братоў, сясцёр, блізкіх і выказваю глыбокія спачуванні. Малітвы і любоў Уваскрослага Пана і ўвесь наш чалавечы клопат і ўвага сёння з вамі, нашы дарагія дзеці і настаўнікі, якія сёння знаходзяцца ў бялградскіх шпіталях.
Прашу ўсіх маліцца да Уваскрослага аб міры і ўзаемнай любові. І я прашу ўсіх зрабіць усё, што ад іх залежыць, каб спыніць і асудзіць любыя віды гвалту і асабліва прапаганду гвалту ў грамадстве.
З пятніцы ў Сербіі аб'яўлена трохдзённая нацыянальная жалоба.
Крыніца: афіцыйная старонка Патрыярха Сербскага Парфірыя ў Facebook
Ілюстрацыя: Абраз Укрыжавання з Korsets Kloster – першага ў Швецыі сірыйскага праваслаўнага манастыра, размешчанага ў Ольберга, Нючэпінг.
Датаванне абраза: XIII ст. Месца вырабу абраза: Мардзін
