Usa ka balyena nga adunay 15kg nga plastik sa tiyan niini napalgang patay sa baybayon sa isla sa Rhodes sa Greece kaniadtong Lunes. Kini maoy gibutyag sa resulta sa autopsy, nga gikutlo sa local media niadtong Miyerkules.
Ang marine mammal kay usa ka beaked whale ug adunay gitas-on nga 5.3 metros ang lawas. Nakit-an sa iyang tiyan ang mga pukot, pisi, plastic bag, plastic cups ug packaging ug uban pang mga basura.
Matod ni Anastasia Comnin, usa ka propesor sa Aristotle University of Thessaloniki Veterinary School nga mihimo sa autopsy, iyang gipasabot nga ang daghang plastic sa tiyan sa balyena wala makatugot kaniya nga makakaon ug tarong, mao nga siya literal nga namatay sa kagutom ug kakapoy.
Kini nga matang sa basura adunay dugay nga makadaot nga epekto dili lamang sa kahimsog sa kini nga mga mammal, apan usab sa tanan nga kinabuhi sa dagat.
Ang Greek Deputy Environment and Energy Minister nga si George Amiras miingon nga ang problema sa plastik nga basura sa Mediteranyo nahimong mas seryoso, mao nga ang tanan kinahanglan nga maghunahuna ug mag-usab sa ilang estilo sa kinabuhi ug adlaw-adlaw nga mga batasan. Giawhag ni Amiras ang iyang mga katagilungsod nga dili magpakabana sa kadagatan sa Gresya ug sa matahom nga mga mananap nga nagpuyo niini.
