By Nathan Morley
Wannan dai wata babbar nasara ce ga Isra'ila, amma kuma nasara ce ta manufofin ketare ga Shugaba Donald Trump wanda yanzu ya mayar da hankali kan zaben Amurka da ke tafe a watan Nuwamba.
"Yanzu da kankara ta karye ina sa ran karin kasashen Larabawa da na musulmi za su bi hadaddiyar daular Larabawa," Trump ya shaida wa manema labarai a ofishin Oval.
Yarjejeniyar tarihi
Wannan dai ita ce yarjejeniyar zaman lafiya ta farko tsakanin Isra'ila da Larabawa tun bayan da Isra'ila da Jordan suka rattaba hannu kan wata yarjejeniya a shekarar 1994.
A karkashinta, Isra'ila da Hadaddiyar Daular Larabawa za su yi musayar jakadu da ofisoshin jakadanci, da kafa jiragen sama, fasaha, sadarwa, jigilar kayayyaki da dai sauransu.
Wani muhimmin batu ya zo tare da bayyana cewa Isra'ila ta amince da dakatar da shirin mamaye wani bangare na gabar yammacin kogin Jordan, lamarin da ya wargaza fatan duk wata yarjejeniyar zaman lafiya da Falasdinawa.
Sabon zamani a cikin dangantaka
Da yake magana a birnin Kudus, firaministan Isra'ila Benyamin Netanyahu ya ce: "A yau, wani sabon zamani ya fara a dangantakar kasar Isra'ila da kasashen Larabawa."
Tsohon mataimakin shugaban kasa Joe Biden, dan takarar shugaban kasa na jam'iyyar Democrat, ya ce "ya ji dadin sanarwar yau".
