Դանիան դադարեցրել է Կովիդի դեմ պատվաստումների ծրագիրը այն բանից հետո, երբ առողջապահության ոլորտի պաշտոնյաները հայտարարեցին, որ վիրուսը վերահսկվում է։ Դանիայում մնացած բոլոր սահմանափակումները հանվել են երկու ամիս առաջ։
Պատվաստումների դադարեցմամբ Դանիան դարձավ աշխարհում առաջին երկիրը, որը դադարեցրեց վիրուսի դեմ դեղամիջոցների ներարկային օգտագործումը համաճարակի սկզբից ի վեր։
Դանիայի առողջապահության ծառայությունը հայտարարել է, որ մայիսի 15-ից պատվաստումները կդադարեցվեն, քանի որ նոր վարակների թիվը ցածր է, պատվաստումների մակարդակը բարձր է, իսկ հոսպիտալացվածների թիվը՝ նվազում։ «Ահա թե ինչու մենք ավարտում ենք զանգվածային պատվաստումների ծրագիրը», - ասում է երկրի առողջապահական ծառայության վարակիչ հիվանդությունների տնօրեն Բոլետ Սոբորգը: Որոշ խոցելի խմբերի համար շարունակում է առաջարկվել պատվաստումը։ Ակնկալվում է, որ պատվաստումների ծրագիրը կվերսկսվի աշնանը։ «Աշնանը նախատեսում ենք վերաբացել պատվաստումների ծրագիրը։ Դրան կնախորդի մասնագիտական խորը գնահատականը, թե ով և երբ պետք է պատվաստվի և ինչ պատվաստանյութերով», - ասաց Սոբերգը: Երկրի 81 միլիոն բնակչության մոտ 5.8%-ը լիովին պատվաստվել է երկու դեղաչափով, ևս 62%-ը ստացել է խթանող դոզան: