Սկիզբ տեքստ.
Մենք՝ Կանադայի, Ֆրանսիայի, Գերմանիայի, Իտալիայի, Ճապոնիայի, Միացյալ Թագավորության և Ամերիկայի Միացյալ Նահանգների արտաքին գործերի նախարարներս, ինչպես նաև Եվրամիության բարձր ներկայացուցիչը, խստորեն դատապարտում ենք Մյանմարում ռազմական խունտայի կողմից իրականացված չորս մահապատիժները։
Այս մահապատիժները, որոնք առաջինն են Մյանմայում վերջին երեսուն տարվա ընթացքում, և արդար դատավարությունների բացակայությունը ցույց են տալիս խունտայի արհամարհանքը Մյանմարի ժողովրդի անսասան ժողովրդավարական նկրտումների նկատմամբ: Մահապատժի ենթարկվածները եղել են ժողովրդավարական ընդդիմության նշանավոր անդամներ՝ դեմոկրատական ակտիվիստ Կյաու Մին Յուն (հայտնի է որպես «Կո Ջիմի»), խորհրդարանի նախկին անդամ Ֆյո Զեյար Թաուն, ինչպես նաև Աուն Թուրա Զաուն և Հլա Մյո Աունը: Մեր մտքերը չորս զոհերի ընտանիքների և բազմաթիվ այլ մարդկանց հետ են, ովքեր սպանվել, ձերբակալվել կամ խոշտանգվել են Մյանմայում այն բանից հետո, երբ 2021թ.
Մենք շարունակում ենք խստագույնս դատապարտել Մյանմարում տեղի ունեցած ռազմական հեղաշրջումը և խորը մտահոգություն հայտնել երկրում քաղաքական, տնտեսական, սոցիալական, հումանիտար և մարդու իրավունքների իրավիճակի վերաբերյալ։
Կոչ ենք անում զինվորական ռեժիմին անհապաղ դադարեցնել բռնության կիրառումը, զերծ մնալ հետագա կամայական մահապատիժներից, ազատ արձակել բոլոր քաղբանտարկյալներին և կամայականորեն կալանավորվածներին և երկիրը վերադարձնել ժողովրդավարական ուղի։ Մենք շարունակում ենք աջակցել ԱՍԵԱՆ-ի ջանքերին և կոչ ենք անում զինվորականներին բովանդակալից կերպով իրականացնել ՀԳՀԾ-ի հինգ կետերի կոնսենսուսի բոլոր ասպեկտները: Սա ներառում է երկխոսության ներառական գործընթաց ժողովրդավարական ընդդիմության լայն շրջանակի հետ: Մենք նաև շարունակում ենք աջակցել ՄԱԿ-ի ջանքերին և խրախուսում ենք արդյունավետ համակարգումը ՀԳՀԾ-ի հատուկ ներկայացուցչի և ՄԱԿ-ի Գլխավոր քարտուղարի Մյանմայի հարցերով հատուկ ներկայացուցչի միջև:
Վերջնական տեքստ
