Եգիպտացի իրավաբանների և հնագետների թիմը պահանջում է «Netflix» հոսքային ընկերությունից երկու միլիարդ դոլարի փոխհատուցում վճարել «Կլեոպատրա» գեղարվեստական վավերագրական սերիալում Կլեոպատրա թագուհու և Հին Եգիպտոսի կերպարի աղավաղման համար։ հաղորդում է «Egypt Independent»-ը։ Խնդրանքը ներկայացվել է Միավորված ազգերի կրթության, գիտության և մշակույթի կազմակերպությանը (ՅՈՒՆԵՍԿՕ) ուղղված նամակում:
Փորձագետները նշում են, որ Եգիպտոսն իրավունք ունի իրավական միջոցներ ձեռնարկել՝ պաշտպանելու և պահպանելու իր նյութական և ոչ նյութական ժառանգությունը՝ լինի դա հնագույն, թե ժամանակակից:
Մի քանի օր առաջ հյուսիսաֆրիկյան երկրի մշակույթի նախարարությունը բողոք է ներկայացրել Եգիպտոսի դատախազություն ամերիկյան ընկերության դեմ՝ պահանջելով, ֆիլմ հեռացվի հարթակից և չցուցադրվի որևէ ձևով:
Սա պաշտոնական կառույցի առաջին իրավական գործողությունն է սերիալի առնչությամբ։ Ավելի վաղ փաստաբան Մահմուդ Ալ-Սեմարը հայտարարել էր, որ քայլեր է ձեռնարկում երկրում Netflix-ն արգելափակելու համար։
Վավերագրական ֆիլմաշարը Եգիպտոսում դժգոհության և քննադատության ալիք առաջացրեց Կլեոպատրա Սեվենի դերի համար սևամորթ դերասանուհի Ադել Ջեյմսի քասթինգի դեմ: Պրեմիերայից հետո Եգիպտոսի զբոսաշրջության և մշակութային հուշարձանների նախարարությունը պաշտոնական հայտարարություն տարածեց այն մասին, որ լեգենդար թագուհին, ով Պտղոմեոսյան դինաստիայի վերջին միապետն էր, բաց մաշկ էր։
