ძვირფასი არქეოლოგიური აღმოჩენა დუნაის ნაპირზე, ბულგარეთიდან არც თუ ისე შორს - სერბმა მაღაროელებმა მაღაროში აღმოაჩინეს ძველი რომაული გემი 13 მეტრიანი კორპუსით.
ქალაქ კოსტოლაცის მახლობლად, დრამნოს მაღაროში ექსკავატორმა აღმოაჩინა სრულად შემონახული უძველესი გემი. ექსპერტების აზრით, ის რომაული დროით თარიღდება.
„უნდა ვაღიარო, რომ ეს იყო სიურპრიზი, რადგან ეს აჩვენებს, რომ რომაელები უკვე აქ იყვნენ განლაგებული ჩვენი ეპოქის პირველ წლებში. ეს იმაზე მეტყველებს, რომ ისინი აშკარად უკვე იმყოფებოდნენ კეისრების დროს ან ცოტა ხნით ადრე“, - ამბობს მიომირ კორაჩი, რომელიც არის ვიმინაციუმის პარკის მთავარი არქეოლოგი.
აღმოჩენისგან არც თუ ისე შორს არის არქეოლოგიური პარკი Viminacium - ძველი რომაული ქალაქის ნაშთები, სადაც სავარაუდოდ 45,000 ადამიანი ცხოვრობდა, ასევე იპოდრომი, სასახლე, ამფითეატრი, ფორუმი. ისტორიკოსების აზრით, აღმოჩენილი ხომალდი, სავარაუდოდ, ქალაქის მდინარის ფლოტილის ნაწილი იყო.
„ყოველი აღმოჩენა, რომელსაც ჩვენ აქ ვაკეთებთ - და ჩვენ ყოველდღიურად ვაკეთებთ აღმოჩენებს - გვასწავლის რაღაცას წარსულის ცხოვრებაზე“, - ამბობს მიომირ კორაჩი.
არქეოლოგიურ პარკში აქამდე აღმოჩენები მოიცავს ოქროს ფილებს, სკულპტურებს, მოზაიკას, იარაღს და სამი მამონტის ნაშთებს.
ფოტო: http://viminacium.org.rs/