Според извештајот, рекордни 1,263 нови пациенти во Шкотска побарале психијатриско лекување минатата година. Бројката се однесува на оние пациенти кои се лекуваат од медицински пореметувања поврзани со канабис. Истражувањата претходно покажаа силна врска помеѓу канабисот и менталните болести.
Како што првпат објави Дејли Мејл, приемот во психијатриските болници кај корисниците на канабис пораснал за 74 отсто од декриминализирањето на дрогата во Шкотска пред околу шест години, покажуваат бројките.
Приемите се зголемија од 1191 во 2015/16 година на речиси двојно повеќе од 2,067 пациенти минатата година.
Веќе неколку земји се соочија со контрареакција при омекнување на нивните регулативи за канабисот. На пример, шкотската полиција ги смени упатствата во јануари 2016 година, и оттогаш, кога некој ќе биде пронајден дека поседува канабис, наместо да се соочи со кривично гонење, ќе биде издадено предупредување.
Организацијата „RETHINK Mental Health“ на својата веб-страница наведува „Редовната употреба на канабис е поврзана со зголемен ризик од анксиозност и депресија. Но, повеќето истражувања се чини дека се фокусирани на врската помеѓу психозата и канабисот. Употребата на канабис може да го зголеми ризикот од подоцна развој на психотични болести, вклучително и шизофренија. Има многу веродостојни докази кои покажуваат поврзаност помеѓу употребата на посилен канабис и психотичните болести, вклучително и шизофренијата“.
Затоа експертите кои не се под влијание на фармацевтите предупредуваат за опасностите од легализирање дури и на таканаречениот „контролиран канабис“ бидејќи се чини дека ги влошува проблемите со менталното здравје додека ја отвора вратата за понатамошни опасни дроги
