Кит со 15 килограми пластика во стомакот бил пронајден мртов на плажа на грчкиот остров Родос минатиот понеделник. Ова го открија резултатите од обдукцијата, цитирани од локалните медиуми во средата.
Морскиот цицач е кит со клун и има должина на телото од 5.3 метри. Во неговиот стомак биле пронајдени рибарски мрежи, јажиња, најлонски кеси, пластични чаши и амбалажа и многу други остатоци.
Според Анастасија Комнин, професорка на ветеринарното училиште Аристотел во Солун, која ја извршила обдукцијата, тој објаснил дека големата количина пластика во стомакот на китот не му дозволувала да јаде правилно, па тој буквално умрел од глад и исцрпеност.
Овој вид отпад има долгорочни штетни ефекти не само врз здравјето на овие цицачи, туку и врз целиот морски свет.
Грчкиот заменик-министер за животна средина и енергија Јоргос Амирас рече дека проблемот со пластичниот отпад во Медитеранот станува посериозен, па затоа секој треба да размисли и да го промени својот животен стил и секојдневните навики. Амирас ги повикува своите сонародници да не бидат рамнодушни кон грчките мориња и прекрасните животински видови што ги населуваат.
