Долниот дом на рускиот парламент – Државната дума – усвои на 14.07.2023 година во трето, последно читање предлог-закон со кој се забранува извршување операции за промена на полот, пренесе Ројтерс.
Предлог-законот им забранува на лекарите „да вршат медицинска интервенција наменета за промена на полот на човекот“ и да им препишуваат хормонска терапија на пациентите.
Исклучок е направен за случаи на вродени аномалии кај децата, вклучително и генетски и ендокрини заболувања поврзани со нарушено формирање на детски генитални органи.
Секој предлог-закон мора да помине низ три читања во долниот дом на рускиот парламент (Федералното собрание) пред да биде разгледан од Горниот дом, Советот на Федерацијата, а потоа да му се даде на рускиот претседател Владимир Путин на потпис за да стапи во сила.
Идниот закон, исто така, ќе забрани менување на полот на официјалните документи за лична идентификација и нема да дозволи трансродовите лица да посвојуваат деца или да поништуваат брак важечки во моментот на промената на полот.
Фотографија на RF._.studio: https://www.pexels.com/photo/crop-doctor-with-stethoscope-preparing-for-surgery-in-hospital-3825586/
