Вредно археолошко откритие на брегот на Дунав, недалеку од Бугарија – српските рудари открија антички римски брод со труп од 13 метри во рудник.
Багер во рудникот Драмно кај градот Костолац откопа целосно зачуван антички брод. Според експертите, датира од римско време.
„Морам да признаам дека ова беше изненадување бидејќи покажува дека Римјаните веќе биле стационирани овде во раните години на нашата ера. Ова сугерира дека тие очигледно веќе биле присутни во времето на цезарите или кратко пред тоа“, вели Миомир Корач, кој е главен археолог на паркот Виминациум.
Недалеку од откритието се наоѓа археолошкиот парк Виминациум – остатоци од антички римски град, кој веројатно имал население од 45,000 луѓе, како и хиподром, палата, амфитеатар, форум. Според историчарите, откриениот брод веројатно бил дел од градската речна флотила.
„Секое откритие што го правиме овде – и откриваме секој ден – не учи нешто за животот во минатото“, вели Миомир Кораќ.
Досегашните откритија во археолошкиот парк вклучуваат златни плочки, скулптури, мозаици, оружје и остатоци од три мамути.
Фото: http://viminacium.org.rs/
