Во петокот, на 26-ти јануари, највисокиот суд на Обединетите нации го повика Израел да ги преземе сите мерки за да спречи какви било акти на геноцид во Појасот Газа. Очекуваната одлука ја донесе Меѓународниот суд на правдата (МСП) со седиште во Хаг, Холандија.
Дополнително, судот го повика Израел да дозволи пристап до Газа. Истакна дека Израел треба навремено и ефективно да го олесни обезбедувањето услуги и итна хуманитарна помош што ја бараат Палестинците за решавање на нивните животни услови.
Израелскиот премиер нагласи дека МСП не му го одзема правото на Израел да се брани, но дека е огорчен што судот се прогласил за надлежен да одлучува за основаноста на случајот. Тој продолжи да тврди дека Израел води праведна војна против чудовиштата на Хамас кои убиваа, киднапираа, силуваа и мачеа израелски граѓани, и дека тоа ќе продолжи да го прави се додека Хамас претставува закана за безбедноста и постоењето на Израел.
Како одговор на овие случувања, израелскиот премиер Бенјамин Нетанјаху брзо ги осуди наводите на Јужна Африка за „геноцид“ во Газа како срамота. истакна дека МСП не му го одзема правото на Израел да се брани, но дека е огорчен што судот се прогласил за надлежен да одлучува за основаноста на случајот. Тој продолжи да тврди дека Израел води праведна војна против чудовиштата на Хамас кои убиваа, киднапираа, силуваа и мачеа израелски граѓани, и дека тоа ќе продолжи да го прави се додека Хамас претставува закана за безбедноста и постоењето на Израел.
Реакции од повеќе земји
Јужна Африка ја поздрави „решителната победа за владеењето на меѓународни закон и важен чекор во потрагата по правда за палестинскиот народ“. Јужноафриканското Министерство за надворешни работи смета дека Судот „утврдил дека акциите на Израел во Газа се веродостојно геноцидни и наведе привремени мерки врз основа на тоа“, заблагодарувајќи му се „за неговата брза одлука“.
Во видео порака се огласи министерот за надворешни работи на палестинските власти Ријад ал Малики. Наредбата од петокот е „важно предупредување дека ниту една држава не е над законот“, рече тој. „Државите сега имаат јасна законска обврска да стават крај на израелската геноцидна војна против палестинскиот народ во Газа“.
Хамас, кој е на власт во Газа од 2007 година, го поздрави „важниот развој“ кој, според него, „го изолира Израел“ на меѓународната сцена.
Министерот за национална безбедност, екстремно десничарска личност, смета дека мерките на претпазливост што ги побара Израел од Меѓународниот суд на правдата се со антисемитски карактер и го повикува Израел да не ја почитува оваа одлука.
Соединетите држави, исто така, реагираа преку портпаролот на Стејт департментот: „Ние продолжуваме да веруваме дека обвинувањата за геноцид се неосновани и забележуваме дека Судот не утврди геноцид ниту повика на прекин на огнот“.
Европската унија повика на „целосно и итно“ спроведување на оваа одлука, поздравена од неколку земји, вклучувајќи ги Турција, Иран и Шпанија.
Можете да ја прочитајте ја наредбата на МСП во целост овде и погледнете го целосното видео од пресудата овде.
