Ракописите се стари повеќе од 2,000 години и биле сериозно оштетени по ерупцијата на вулканот во 79 година од нашата ера.
Тројца научници успеале да прочитаат мал дел од јагленисани ракописи по ерупцијата на Везув со помош на вештачка интелигенција, пренесе AFP.
Ракописите се стари повеќе од 2,000 години и биле сериозно оштетени по ерупцијата на вулканот во 79 година од нашата ера. Папирусите Херкуланеум содржат околу 800 свитоци јагленисани за време на катастрофата што ги уништи градовите Помпеја и Херкуланеум, велат организаторите на натпреварот „Предизвик на Везув“ - Брент Силс од Универзитетот во Кентаки, САД и Нат Фридман, основач на платформата Github.
Ракописите се чуваат во Францускиот институт во Париз и во Националната библиотека во Неапол. Организаторите на натпреварот за читање скенираа четири свитоци и понудија награда од еден милион американски долари на оној што може да дешифрира најмалку 85 отсто од четири параграфи од 140 знаци.
Триото што победи на Везув предизвикот и награда од 700,000 долари беа Јусеф Надер, докторант во Берлин, Лук Фаритер, студент и практикант во SpaceX и Џулијан Шилигер, швајцарски студент по роботика.
Тие користеле вештачка интелигенција за да го одделат мастилото во јагленосаниот ракопис и ги идентификувале грчките букви. Благодарение на оваа техника, Лук Фаритер го прочита првиот збор од параграфот - панси.
Според организаторите, Надер, Фаритер и Шилигер дешифрирале околу пет проценти од еден свиток. Според Нат Фридман, ова е веројатно ракопис на епикурејскиот Филодем.
Папирусите се откриени во 19 век во селска куќа.
Според некои историчари, тие му припаѓале на Лициј Калпурниј Писо Кесонинус – татко на Калпурнија, една од жените на Јулиј Цезар. Некои од овие текстови веројатно ја содржат историјата на клучните периоди на антиката, изјави за Bloomberg Businessweek Роберт Фаулер, специјалист за античка историја и претседател на Друштвото Херкуланеум.
Фото: Универзитетот во Кентаки
