Skont rapport, rekord ta’ 1,263 pazjent ġdid fl-Iskozja fittxew kura psikjatrika s-sena li għaddiet. Iċ-ċifra tirrigwarda dawk il-pazjenti kkurati għal diżordnijiet mediċi marbuta mal-kannabis. Ir-riċerka qabel uriet rabta qawwija bejn il-kannabis u l-mard mentali.
Kif irrappurtat l-ewwel darba mid-Daily Mail, id-Dħul fi sptarijiet psikjatriċi fost l-utenti tal-kannabis żdiedu b’74 fil-mija minn meta ddekriminalizzaw id-droga fl-Iskozja madwar sitt snin ilu, juru ċ-ċifri.
L-ammissjonijiet żdiedu minn 1191 fl-2015/16 għal kważi d-doppju ta’ 2,067 pazjent is-sena li għaddiet.
Diġà diversi pajjiżi ffaċċjaw kontroreazzjoni meta ttaffi r-regolamenti tagħhom dwar il-kannabis. Pereżempju, il-pulizija Skoċċiża bidlet il-gwida f’Jannar 2016, u minn dakinhar, meta xi ħadd instab fil-pussess tal-kannabis, minflok ma jiffaċċja prosekuzzjoni, kienet tinħareġ twissija.
L-organizzazzjoni “RETHINK Mental Health” tiddikjara fuq il-websajt tagħha “L-użu regolari tal-kannabis huwa marbut ma’ riskju akbar ta’ ansjetà u dipressjoni. Iżda l-biċċa l-kbira tar-riċerka tidher li għandha fokus fuq ir-rabta bejn il-psikożi u l-kannabis. L-użu tal-kannabis jista’ jżid ir-riskju li aktar tard tiżviluppa mard psikotiku, inkluża l-iskiżofrenja. Hemm ħafna evidenza affidabbli li turi rabta bejn l-użu ta’ kannabis aktar b’saħħtu u mard psikotiku, inkluża l-iskiżofrenja.”
Huwa għalhekk li esperti mhux influwenzati mill-farmaċi qed iwissu dwar il-perikli li tiġi legalizzata anke l-hekk imsejħa “kannabis ikkontrollat” peress li jidher li jaggrava l-problemi tas-saħħa mentali filwaqt li tiftaħ il-bieb għal aktar drogi perikolużi.