L-introduzzjoni tal-President Hichilema Il-President tal-PE Roberta Metsola qalet li ż-Żambja hija eżempju ta’ demokrazija matura għall-kontinent Afrikan kollu. Issa aktar minn qatt qabel, fil-kuntest ġeopolitiku mnikkta attwali u matul l-isforzi tar-Russja biex iżżid l-influwenza tagħha fl-Afrika, il-progress taż-Żambja jeħtieġ li jiġi appoġġat. Il-President Metsola fakkret ukoll lill-MEPs li lura fl-2017 il-Parlament adotta riżoluzzjoni li tikkundanna l-inkarċerazzjoni tal-President Hichilema fuq akkużi ta’ motivazzjoni politika.
"Iż-Żambja reġgħet qiegħda fin-negozju, fiċ-Champions league", qal il-President Hichilema, b'referenza għar-riżultati tal-elezzjonijiet l-aktar reċenti tal-pajjiż. Huwa tenna l-impenn taż-Żambja li tpoġġi l-interessi tan-nies, ir-riformi, il-midja ħielsa, l-istat tad-dritt, iż-żgħażagħ u l-edukazzjoni fuq nett tal-aġenda politika tiegħu. Huwa sostna għal kooperazzjoni msaħħa bejn l-Afrika u l-UE, aktar kummerċ, u aktar skambju ta' għarfien.
“Ngħidu kategorikament le għall-gwerra fl-Ukrajna. Huwa traġiku u ta’ qsim il-qalb li naraw l-eluf ta’ ħajjiet mitlufa u miljuni spostati bla bżonn, bħala riżultat ta’ kunflitt li jista’ jiġi evitat fl-Ukrajna”, qal il-President Hichilema, waqt li tkellem dwar il-paċi u s-sigurtà fid-dinja. Żied jgħid li l-impatt tal-gwerra jinħass f’pajjiżu fil-forma ta’ prezzijiet ogħla tal-fjuwil, tal-ikel u tal-fertilizzanti, u ħeġġeġ lill-partijiet kollha biex jiffokaw aktar fuq it-titjib tal-ħajja tan-nies, mhux fuq il-gwerra. Il-President Hichilema offra wkoll l-għajnuna tiegħu biex jingħeleb in-nuqqas ta’ ikel.
Il-President Hichilema esprima wkoll il-gratitudni profonda tiegħu għall-appoġġ tal-Parlament Ewropew għalih u għaż-Żambja matul il-ħabs tiegħu u l-jiem mudlama tal-iżvilupp demokratiku taż-Żambja. "Jien nibqa' dejn lejk talli twieġeb għad-drittijiet tal-bniedem u l-libertà tan-nies kollha fiż-Żambja", qal.
Tista’ terġa’ tara l-indirizz formali mill-President Hichilema hawn.
