Die 21-jarige man wat na bewering tien mense by 'n kruidenierswinkel in Colorado doodgeskiet het, sal môre in die hof verskyn. Ahmad Alissa is Maandag in hegtenis geneem en Dinsdag aangekla. Hy het na bewering twee mense in die parkeerterrein van King Soopers in Boulder geskiet voordat hy ingestap en losgebrand het.
Altesaam tien mense is dood, insluitend 'n Boulder-polisiebeampte. Terwyl die polisie nog nie 'n motief bekend gemaak het nie, sê familielede hy was anti-sosiaal, paranoïes en moontlik geestelik siek. Sy ouer broer het aan CNN gesê Ahmad het moontlik aan geestesongesteldheid en afknouery op hoërskool gely oor sy Moslem-wees wat moontlik tot “anti-sosiale” gedrag gelei het.