Die 19-jarige Luunkiito het beeste aangeval en is deur veewagters gespits
’n Wilde leeumannetjie, wat as een van die oudste verteenwoordigers van sy spesie ter wêreld beskou word, is deur veewagters naby Amboseli Nasionale Park in die suide van Kenia doodgemaak, het die BBC berig.
Luunkiito (19) is met spiese gesteek nadat hy beeste vir kos aangeval het. Bewaringsgroep Lion Guardians het gesê die leeu wat doodgemaak is, was die oudste in die Keniaanse ekosisteem en moontlik in die hele Afrika, aangesien leeus tipies sowat 13 jaar in die natuur leef.
Paul Jinaro, woordvoerder van die Kenia Wildlife Service, het aan die BBC gesê Luunkiito is oud en siek en het waarskynlik die nasionale park verlaat om in die dorp te gaan vreet.
Bewaringsbewustes het strenger maatreëls gevra om Kenia se wild- en leeubevolking te beskerm.
"Dit is die kantelpunt vir mens-wild konflik en ons moet meer as 'n land doen om leeus te bewaar wat uitsterwing in die gesig staar," het Paula Kahumbu, natuurbewaarder en uitvoerende hoof van WildlifeDirect, gesê.
Foto: LEE GUARDIANS/FACEBOOK