16 лютага на сустрэчы ў старажытным манастыры “Св. Георгія» ў Каіры Высокі Сінод Александрыйскага Патрыярхату пастанавіў адхіліць ад Рускай Праваслаўнай Царквы епіскапа Зарайскага Канстанціна (Астроўскага).
11 кастрычніка мінулага года ён быў прызначаны выконваючым абавязкі «Патрыяршага Экзарха Афрыкі» замест мітрапаліта Леаніда (Гарбачова).
Апошні быў пазбаўлены епіскапскага сану 22 лістапада 2022 года рашэннем Александрыйскага Сінода за аналагічныя кананічныя парушэнні: уваходжанне ў кананічную юрысдыкцыю Александрыйскага Патрыярхату, раздачу свяшчэннага міра, спакушэнне мясцовага духавенства і падбухторванне яго да расколу, як а таксама прапаганда этнафілетызму.
Да гэтага александрыйскі патрыярх Феадор ІІ неаднаразова звяртаўся да кіраўніка РПЦ патрыярха Кірыла з просьбай скасаваць расійскі «экзархат» у Афрыцы.
У афіцыйнай пастанове гаворыцца:
«Свяцейшы Сінод прыступіў да пазбаўлення высокага архіерэйскага сану выконваючага абавязкі «Патрыяршага паўнамоцнага прадстаўніка ў Афрыцы», былога епіскапа Зарайскага Канстанціна, які, самавольна пасяліўшыся ў Каіры, Егіпет, у сядзібе Александрыйскай Святой Архіепархіі, здзейсніў шэраг кананічных парушэнняў : замах на юрысдыкцыю старажытнага сабора, раздача антымінсаў, купля за грошы мясцовага духавенства і нават адлучанага, стварэнне груповак, этнафілетычных падзелаў і інш., пры гэтым (сінод) зноў асудзіў новую царкоўна-паліт. “тэорыі” для душпастырства “рускага свету” ва ўсім свеце па нацыянальнай прыкмеце”.